EVOS Rewards: EVOS sodiqlik dasturini ishga tushirdi

EVOS — Oʻzbekistonda bir necha avlodga tanish boʻlgan tezkor xizmat koʻrsatish restoranlari tarmogʻi — EVOS Rewards yagona sodiqlik dasturini ishga tushirganini eʼlon qildi. Dastur har bir buyurtma uchun, har kuni, barcha 90 ta EVOS restoranida va istalgan kanal orqali buyurtma berilganda bonuslar olish imkonini beradi.

Dastur qanday ishlaydi?

Dastur qoidalari oddiy va tushunarli. Ishtirokchilarga har bir buyurtma summasining 5% i bonus ballar koʻrinishida qaytariladi. Bu ballar bilan istalgan xarid narxining 20% igacha qismini toʻlash mumkin. Bir bonus ball bir oʻzbek soʻmiga teng — hech qanday murakkab hisob-kitoblar va «mayda shrift»larsiz. Buyurtma bering, QR-kodni skanerlang va tejamingiz qanday oʻsib borayotganini kuzating.

Yangi ishtirokchilarga 15 000 ball sovgʻa

Dastur ishga tushirilishi munosabati bilan har bir yangi ishtirokchi roʻyxatdan oʻtgandan soʻng darhol 15 000 xush kelibsiz bonus ball oladi. Ularning amal qilish muddati — 14 kun.

Kassada ballardan qanday foydalaniladi?

Kassada buyurtma berayotganda bonus ballarni toʻplash yoki ular bilan toʻlash uchun toʻlovdan oldin EVOS ilovasidagi QR-kodni koʻrsatish kifoya.

EVOS Rewards afzalliklari

EVOS Rewards bir martalik aksiya uchun yaratilmagan — dastur ishtirokchilarga doimiy foyda keltiradi:

• buyurtma summasining 5% i bonus ballar bilan qaytariladi;

• xarid narxining 20% igacha qismini bonus ballar bilan toʻlash mumkin;

• tugʻilgan kuningizda 10 000 bonus ball sovgʻa qilinadi;

• xaridlar uchun berilgan ballarning amal qilish muddati — 180 kun: ulardan foydalanish uchun yetarlicha vaqt bor.

EVOS haqida

EVOS — Toshkent va mamlakat viloyatlaridagi 90 ta restoranida yangi tayyorlangan lavash, burger, shaurma va boshqa taomlarni taklif etuvchi oʻzbekistonlik tezkor xizmat koʻrsatish restoranlari tarmogʻi. Yetkazib berish EVOS ilovasi, sayti va Telegram orqali amalga oshiriladi. Kompaniya Toshkentda tashkil topgan va bugungi kunda Oʻzbekistondagi eng tez rivojlanayotgan restoran brendlaridan biri hisoblanadi.