Korzinka va Alif 0% muddatli to‘lovni ishga tushirdi – 30 kunda to‘lang

«Корзинка» va Alif oziq-ovqat mahsulotlari uchun 0% muddatli to‘lov xizmatini ishga tushirdi.

Supermarketlar tarmog‘i «Корзинка» Alif bilan hamkorlikda barcha do‘konlarida mahsulot xarid qilish uchun muddatli to‘lov xizmatini yo‘lga qo‘ydi. Endi «Корзинка» mijozlari oziq-ovqat va boshqa mahsulotlarni do‘konning o‘zida Alif Nasiya xizmati orqali kechiktirib to‘lash sharti bilan sotib olishlari mumkin.

Bu xaridlarni yanada qulay qiladi: mahsulotlarni darhol olib, to‘lovni esa o‘zingizga qulay vaqtga qoldirishingiz va 30 kun ichida ortiqcha to‘lovsiz qaytarishingiz mumkin.

Xizmatdan foydalanish tartibi:
— Alif super ilovasini yuklab oling;
— Ilovada Nasiya bo‘limini oching;
— Ma’lumotlarni to‘ldirib, MyID orqali identifikatsiyadan o‘ting;
— Xarid uchun limit oling.

Do‘konda kassada ilovaning asosiy ekranida QR-skanerni tanlab → «Mening QR» ni ochib, to‘lovni amalga oshiring.

Alif Nasiya shartlari:
— 0% ustama (foizsiz);
— 30 kun muddat;
— 33 mln so‘mgacha limit;
— Jarima va penya yo‘q.

Avval muddatli to‘lov xizmatlari asosan yirik xaridlar — masalan, texnika va elektronika uchun ishlatilardi. Bir yil oldin «Корзинка» va Alif Korzinka Go orqali onlayn xaridlar uchun ham muddatli to‘lovni joriy qilgan edi. Endi bu xizmatning oddiy do‘konlarga ham kengaytirilishi kundalik xarajatlar uchun ham foydalanishni osonlashtiradi.

Bunday moslashuvchan yechim byudjetni yaxshiroq rejalashtirishga yordam beradi va majburiy xarajatlarni boshqarish oson bo‘lgan jarayonga aylantiradi — bu esa kundalik hayot tarzini o‘zgartirmasdan qulaylik yaratadi.